Apocalypsis Iesu Christi, quam dedit illi Deus palam facere servis suis, quae oportet fieri cito, & significavit, mittens per Angelum suum servo suo Ioanni, qui testimonium perhibuit verbo dei, & testimonium Iesu Christi, quaecumque vidit.

Commentarius.

Vaticinum hoc fatis nobile, & nimis insigne, ac egregium inter caetera Dei Vatum monumenta, proprio Apocalypsis nomine divinitus consecratum, opus nimio suavi odore, plura haud dubie redolens, amittens, hc eructans mysteria, arcana & sacramenta, quam verba, nullatenus aliunde auspicari voluit sanctissimus Evangelista, & maximus vates Ioannes Apostolus, quam à sanctissimo, augustissimoque Iesu Christi nomine, & meritò planè.